وعد سليم بقلم تيسير محمد
مصدقه نفسي .
بس انا كنت بحبك وده ظهرلي انك ممكن تبعدي عني وساعتها حسيت اني مقدرش ابعد عنك
بصتله كده باستغراب وقالت
طب ودلوقتي
دلوقتي !! ده انتي دلوقتي الحب والمب والاسد والدب .
ههههه سريه عليان مش لايق عليك الكلام ده .
بحاول اعمل حاجه صح
سندت راسها علي كتفوا وهما بيرقصوا وعين عاصم جه في عين ابنه اياد وصافي بتحاول تكلمه بس هو سابها ومشي
مم
اياد بيحب صافي
شالت راسها وبصتله نور
ليه بتقول كده
بتحاول تصالحه وهو مش راضي
بس مافيش حاجه اسمها حب بين اطفال او نادرا يعني
لو اطفال عاقلين زي ولادنا وكمان مخهم اكبر من سنهم يبقي هما فهمين بيعملوا اي
لو بيحبها هيصالحها .
بس مش دلوقتي .
اومال امتي
ههه هتعرفي بنفسك ... مالناش دعوه نكمل رقص احنا
وبعد ما كل من الجد والحفيد اتفقوا انهم يفرحوا كل الاميرتين بطريقه مختلفه وصلوا اخيرا انهم يدخلوهم اوضه وكل واحده فيهم مستنيها فستان ملوكي بجانب تاج من الالماس
خرجوا الاتنين وبطريقه ملكيه سليم وبيجاد سحبوا وعد وجنان برفق ودخلوا لمكان الحفله وسط انبهار الجميع من الهيئه
كان في كرسيين ليهم لوحدهم يقعدوا عليهم زي الملكات زمان
سليم وقف جمب وعد وبيجاد كان هينزل من جمب جنان بس وقفته وقالت
دوري لحد كده خلص ... كل سنه وانتي طيبه
مافهمتش هو بيحبها ولا بيكرها ومش فاهمه سر المعامله الجافه دي برغم الي بيعمله ليها بس زعلت انه مش واقف جمبها زي ماجدها واقف جمب ستها
وعد خلت سليم يوطي عشان تهمسله وتقول
جنان مضايقه من بيجاد عشان سابها
وانا فاهم ليه اصل القصه بتتعاد لتالت مره
ممم حتي لو هيبقوا زينا بس حبي ليكي عمره مايبقي ليه مثيل ... كل سنه وانتي حياتي الي فاتت والجايه كمان
بصلها بصه اخيره ورجع وقف تاني وهي بفرحه مسكت ايده ومن حوليهم اتجمعوا العائله عشان تتاخد احلي صوره زي كل سنه بس السنادي اكيد مختلفه ....
وكل سنه وانتم طيبين
تيسير_محمد
كانت المفروض تنزل تاني يوم العيد بس معرفتش. اخلصها الا دلوقتي عيد سعيد عليكم
نظرا للغبطه الي حصلت في الأشخاص فأنا هكتب الثنائي و مين ولادهم
سليم و وعد وعد و نور و التوأم يونس و ياسين
نور و يوسف سليم و سيلين
يحيي و شروق عاصم و ملك
اظن كده انا مدلعاكم تفاعلوا ع الروايه بقي
تيسير محمد
بسم الله الرحمن الرحيم
وعد سليم ٢
الفصل الاول
الحياه عودتنا أننا هنواجه مشاكل كتير و زي ما عودتنا نواجهها عودتنا نتغلب عليها و ما نستلسمش ليها .
و احتمال كبير نقابل نفس الموقف اكتر من مره في حياتنا و كمان مش احنا لوحدنا
فأكيد ناس زينا بتعيش نفس ظروفنا و بتعرف تتغلب عليها و كأننا توأم بس كل واحد في مكانه و زمانه .
كانت بتتزين عشان هي ملكه الليله طالعة شبه مامتها بالملي .. الفرق بينهم الحجاب و شويه تجاعيد
وعدين بس الام تختلف عن بنتها في ملامحها الي كبرت .
و بفستانها القصير البيج بكم و كل اما تتحرك اخر الفستان يتحرك معاها لأنه كان واسع من تحت
و بكعبها الي من نفس اللون و شعرها الطويل الي واصل لوسطها و مفروض بطريقه تجنن .
اتكلمت و هي بتلبس الحلق
مامي ! ! يلا بسرعه زمان صحابي جم تحت .
ردت عليها وعد الكبيره و هي بتلفلها كانت لبسه بنطلون قماش ابيض و عليه جاكت لبني و تحتيه تي شيرت ابيض و طرحتها الي كانت جنان بيها نفس لون الجاكت
كانت لابسه كعب ابيض و ده كان استايل لبسها دايما مع اختلاف الموديلات و الالوان .
بصتلها و هي مضايقه منها و من صربعتها
ايه يا وعد براحه مش كده و بعدين استني ملك جايه .
مين جايب سيرتييي
ملك يحيي عليان ١٨ سنه نفس ملامح مامتها الهادئه و طبعها الي مش هاديه خالص
دخلت عليهم و هي بسلوبيت اسود أكتافه عريانه و شعرها عملاه ديل حصان و هو اسود
كانت لابسه جذمه واطيه من اللون الفضي
ايه يا ست وعد براحه يلا انا جهزت و خدي السلسله الي عيزاها اهيه ممكن نخلص .
لبستها فعلا و انضمت ليهم نور الي فضلت زي ما هي و جسمها الي حافظت علي رشاقته
كانت لابسه بلوزه بيج تليق بالسهره و بنطلون جينز اسود و شعرها رفعاه بفورمه تليق بسنها
ايه يا حلوه منك ليها مش يلا و لا ايه !
وعد الصغيره بصتلها و بتمثيل الزعل اتكلمت
كده يا خالتو ده انا عيد ميلادي حتي انهارده .
راحتلها و مسكتها من ودنها و اتكلمت
عارفه كنت هديلك هديتك بس عشان خالتو دي ما فيش
حضنت خالتها من كتافها كده
خلاص احلي نور في الدنيا والله .
و راحت باستها من خدها .
بصتلها بطرف عنيها و ضحكت نور و قالت
بتكلي بعقلي حلاوه بس موافقه .. يلا ننزل و تحت هدهالك .
أما تحت بقي فكان الوضع كالتالي سليم و يحيي و يوسف واقفين بيتكلموا مع مجموعه من رجال الأعمال .
شروق بفستانها الموف البسيط و الحجاب الي قررت تلبسه و كان من نفس اللون كانت بتلف في المكان تسلم علي الناس و الي محتاج حاجه تدهاله
بان عليهم كلهم العجز بس برغم ده كله لسه حلوين و خصوصا سليم الي مهما يكبر شكله عشريني
سمعت حد بينادلها لفت كان شاب زي القمر واخد طول و شعر أبوه و عيون أمه لابس جاكيت كحلي و تحته تي شيرت ابيض و بنطلون جينز ازرق
خالتوووو ايه الجمااال ده .
يونس سليم عليان عنده ٢١ سنه و مرح جدا و بيعمل بلاوي في البيت و بره البيت طويل رشيق واخد شعر أمه الاشقر و عيون و ملامح أبوه
ردت عليه و هي حطه ايديها علي كتفه
يا يونس يا بكاااش .
ضحك جامد و رد عليها
والله ابد زي القمر بقولك ايه !
سألها و هو بيوطي صوته فسايرته
هو بابا عرف الي حصل !
بصتله بضحكه و ردت عليه
سليم ابوك لو كان عرف ما كنش سابك هايص كده .
و سابته و مشيت .
بره الفيلا و خصوصا في جنينتها و علي المرجيحه كانت نور الصغيره الي شبه اختها الكبيره في كل حاجه بس الفرق أن نور شعرها قصير و اسود و وعد شعرها طويل و بني
كانت لابسه فستان اسود طويل و مقفول من فوق و شعرها واصل لرقبتها .
و جمبها قاعد صديق طفولتها عاصم الي فضل زي ما هو كل عيد ميلاد ليه يجبلها هديه و بالفعل كان بيقدملها الهديه في نفس المكان
هديه كل سنه .
كان مبتسم زي أبوه بالظبط نفس الجسم و الطول و العرض لكن شعر و عيون أمه كان دايما المختلف ما بيحبش يتقيد بلبس كلاسك لا الكاجول كان استايله الأساسي عشان كده لبس تي شيرت اسود و بنطلون جينز ثلجي .
ردت عليه و هي بتقدمله علبه صغيره
بمناسبه عيد ميلادك
ال
