وعد سليم بقلم تيسير محمد

سأل باستفسار وهو بيشاور ع البخاخه وهو مربع أيده 

ايه ده 

بصت عليه وقالت ببساطه 

ابدا ده عشان حالات الخطڤ بتاع البنات اليومين دول قولت اعمل فلفل يعني افرمه وكده واحطه في بخاخه الي يقرب أرش في عينه .

بيقولولك بنات انتي مالك .

ده كان رد يوسف عليها هي اتحولت وردت بقوه 

نعممم !

وعشان ينقذ 

هتخرجني 

وفي احلي حته تحبيها انا عندي اغلي من نوري .

ياسلام من امتي 

بصلها وقال بجد المره دي 

مهما عيني تشوف مش هتلاقي اجمل منك .

يحيي اتنحنح وقال 

احممم نهدا بقي عشان العرايس المفروض ينزلوا .

وبالفعل سليم راح سابهم وطلع جاب وعد ونور الي كل واحده فيهم لبست نفس الفستان بنفس التصميم بس الفرق أن وعد كانت لابسه فستان بحمالات عريضه ونور باكمام قصيره شيفون كان فستان ضيق من فوق ونازل علي واسع بتاع وعد كان واخد مساحه عن بتاع نور وكانوا رقيقين جدا 

سليم نزل بيهم وكان سليم الصغير وعاصم متألقين ببدل سوداء وسليم كان لابس جرافات أما عاصم ببيونه .

سليم قدمهم وبص لسليم وعاصم وقالهم 

بنات سليم عليان الكبار يعني قطعه من قلبي حافظوا عليهم وكأني انا الي معاهم ها .

نور ووعد دمعوا وفي لحظه حضنوا ابوهم ووعد الكبيره كانت واقفه وراه وبتمسح الدمعه الي كانت هتنزل منها بفرحه .

كل واحد خد حبيبته وبدأوا يرقصوا واول ثنائي يقابلنا هما نور وعاصم والي فضلت نور تهرب بعيونها لحد ماعاصم قال 

هتفضلي تهربي لحد امتي 

مش عارفه .

قالتها بهدوء وكسوف عاصم عشان يخليها تتكلم قال 

انتي مكسوفه مني ولا عشان الي الخطه الي عملتيها مع ماما عشان تجرجريني .

هنا بصتله جامد وقالت 

طنط شروق قالتلك .

هز رأسه بايوه وهو بيضحك .

اتكلمت وهي بتبرر 

والله كن....

شششش ولا كلمه انا الي كنت غبي ماعرفتش انك اغلي من حياتي الا لما حسيت انك هتضيعي مني .

اتنهد وبصلها بحنان وقال 

بس خلاص هستغل كل لحظه في عمري عشان ابقي جمبك بس .

أما هي فبصت في الأرض بخجل .

أما عند وعد وسليم الصغيرين فكان العكس وعد هي الي بتتكلم 

اه يا ناكر الجميل اتعلمتلك الورق العنب مخصوص وانت بتقولي جيباه من بره .

هههههه اهدي الله يخربيتك بنكشك .

نزلت ايديها وقالت 

اوعي ياعم مش عايزه ارقص انا مخصمالك 

مسكها تاني وقال 

تعالي هنا مخصماك ايه انا ماصدقت .

وهنا سند جبينه علي جبينها وقال 

ماصدقت تبقي في حضڼي طول العمر خلاص انا خدت كل الي اتمناه .

توعدني ماتسبنيش .

سليم شاورلها علي ابوها وامها الي كانوا في وادي تاني وبرغم سنهم بس بيرقصوا ولا كأنها رقصتهم الاولي وسليم الكبير بردو ساند جبينه علي جبين حبيبته سليم اتكلم 

وحياتك عندي لهيحلفوا بحبي ليكي مش سليم عليان الكبير دور علي وعد عليان حبيبته نص عمره سليم الصغير بقي هيقضي عمروا كله بيسعد وعد الصغيره 

قربها منه وسند رأسه علي رأسها وهما باصين علي وعد وسليم الكبار .

وتتلقط الصوره 

عليهم وهما بيبصوا علي قدوتهم ومن هنا تبدأ قصه غير القصه الاصليه كل واحده مختلفه عن التانيه بس الي بيجمعهم هو الحب والټضحيه الفرحه بوجود الطرف الآخر حتي لو كان مش بيقدم اي مشاعر .

اجيال جديده طلعوا مترسخ فيهم معاني الحب الحقيقيه لقينا التغير من الاوحش للأحسن من الطرفين زي ماحصل مع سيلين ويونس الانتظار والصبر زي ملك وياسين الرجوع للطريق الصح ولقوا الحب بيفوق الي ماشي في طريق غلط عملوا كل الي في وسعهم عشان يقفوا جمب بعض حتي لو الطرف التاني مش عايز وعاصم ونور خير مثال اخيرا وليس اخرا نموذج جديد وكأنها نسخه مصوره من القديمه بس الفرق أن القصه دي أحداثها غير دي لقت انها لازم تتعلم الي بيحبه وهو بيعرف امتي هي محتجاله وبيحسوا ببعض دايما عشان يبقوا في ضهر بعض 

وعد سليم وزي ماقولت قبل كده اكيد في وعد كده هتظهر في حياتك وانتي كمان سليم نصيبك هيجي حتي لو تأخر فعوض ربنا جميل جدا .

تيسير_محمد 

تمت بحمد لله

الجزء ده خلص واتمني تكون عجبتكم زي الجزء الاول وتكون فيها أفاده بجانب الترفيه بشكر كل الي دعمني وجعني وكل كومنت كان بيجي سواء في التعليقات أو علي الخاص كانت بتبقي داعم ليا جامد وتشجيع جميل جدا بشكركم واتمني الدعم ده يستمر مع كل عمل بنزله 

دمتم بخير جميعا 

بسم الله الرحمن الرحيم

وعد سليم 

حلقه خاصه

اليوم يوم مختلف لاسباب كتير منها مثلا أن انهارده عيد جواز وعد و سليم الكبار غير انه عيد ميلاد

حفيدتهم الكبيره جنان 

سليم و وعد الصغيرين نايمين و من غير احم و لا دستور نلاقي أبنهم الصغير جاد الي طلع قعد في وسطهم و صحي مامته الي اول ما صحيت بخضه اتكلمت وعد 

 جاد ! مالك يا