وعد سليم بقلم تيسير محمد

بتقولها اخيرا لقيتك...اما نظرتها هي فكانت نظره شكرا ع كل الحب الي منحه ليها ده نظره بتقوله شكرا انقذتني منحتني حياتي الي كانت ضايعه مني .
قصه كانت محكوم عليها بالاعډام قصه من غير روح اصراره وعزيمته وتمسكه بحب حياته خلاه يلاقي روحه وهي بطبيتها وتعبها والظلم الي اتعرضتله ربنا خلاهم يتجمعوا من جديد.
ممكن كل واحده تلاقي سليم خاص بيها كل واحد هيلاقي وعد خاصه بيه بردو.

ربنا كاتب لكل واحد شريكه الي شبهه الطيبون للطيبات
خليك طيب كويس ف حياتك روحك حلوه هتلاقي الي شبه روحكمهما وجهتوا صعوبات بحبكوا لبعض وايمانكوا ان ربنا هيجمعكوا هتمروا باي صعوبات وتحلوها.
قصتنا خلصت مين عالم لعل القادم احلي.
تيسير_محمد
وعد سليم 
حلقه خاصه
اليوم يوم مختلف لاسباب كتير منها مثلا أن انهارده عيد جواز وعد وسليم الكبار غير انه عيد ميلاد حفيدتهم الكبيره جنان 
سليم ووعد الصغيرين نايمين ومن غير احم ولا دستور نلاقي أبنهم الصغير جاد الي طلع قعد في وسطهم وصحي مامته الي اول ماصحيت بخضه اتكلمت وعد 
جاد ! مالك يا حبيبي 
اتكلم جاد بلغه بتحاول تفهمها نظرا انه داخل ع الاربع سنين من عمره يعني صغير 
مامي ... عايز عيد ميلاد زي جنان 
قبل ماترد كان سليم بيرد عليه وهو في قفاه وقال 
عارف يا جاد لو لقيتك هنا تاني هتتنفخ .
واول ما سليم الصغير خلص كلمته كان جاد طاير علي اوضته 
وعد قامت قعدت وبزعل اتكلمت 
اخس عليك يا سليم .. هتفضل لامتي بتعمل فيه كده 
علي فكره الواد ده لو ماتشدش في الاول هيبقي مايع اوي وانا ماحبش كده .
ماردتش عليه وبصت بزعل اودامها 
سليم خد نفس بعمق وقرب منها ومسك ايدها كانت عايزه تشدها بس هو مسكها بايده الاتنين وقال 
عليا النعمه ما سايبها ويلا صلحيني عشان انا مابحبش نزعل من بعض 
ياسلام بالساهل كده 
طططبعا واسهل كمان 
طب صالح جاد 
بص الناحيه التانيه بعدم رضي اما هي فلفت ايديها الاتنين حولين رقبته وباستعطاف قالتله 
لو بتحبني يا سليم ده لسه نونو بقي عشان خاطري يا سولي .
بصلها بابتسامه حب وقال 
وانا بقي بعمل كل ده عشان سولي والطريقه بتاعه سولي دي ... عيوني .
اممم عرفاك .
وعارفه اني بحبك 
قديمه 
طب الجديده بقي هتعرفيها بليل 
وبعد ماغمزلها سابها وقام وهي فضلت تبصله بفرحه

شروق .. شروووق 
كان نداء يحيي لشروق وهو بيصحيها أما هي فابتدت تفوق ببطئ 
شروق بنعاس 
ها .. نعم يا يحيي في حاجه 
رد عليها پخنقه باينه في صوته 
ممم ممكن تساعديني في حاجه 
قامت بسرعه بخضه 
محتاج اي يا حبيبي 
أنا اسف بزعجك كل شويه بس بجد جعان .
يحيي وقع في الحمام واتكسرت رجله ومن وقتها وهو في اوضته ومش عارف ينزل ولا يطلع وشروق دايما مابتخليهوش يحتاج لحاجه 
شروق بعتاب 
كده يعني يا يحيي ينفع اسف والكلام ده 
عشان بتعبك معايا 
مسكت ايده بايدها الاتنين واتكلمت وهي بتبص في عينه 
اولا انا مش تعبانه ثانيا حتي لو تعبت يحيي التعب في قربك راحه ماتقولش كده تاني .
 ها يا سيدي تحب تاكل اي 
ممم نفسي في مومبار 
نعمم !! مومبار اي يا بابا الساعه ١٠ الصبح 
بصلها بحزن مصطنع وقال يحيي 
اي صعب ... طب الصعب ميبقاش سهل عشاني 
رفعت حاجبها باستعجاب وقالت 
اومال مين الي كان حاسس انه تقيل عليا امي !
بصلها وهو بيحاول يكبت ضحكته وبيكمل في خطته 
خلاص يا شروق ماتتعبيش نفسك انا هخلي ....
ببسسس خلاص هروح اعمل .. يارب صبرني 
قالت الاخيره وهي بتقفل باب الاوضه وراها اما هو فضحك بقوه وقال 
حلو اوي عشان اعرف اشوف شغلي .. واهي مصلحه هاكل مومبار الي مكالتوش من ايام ماوعد كانت بتقف في المطبخ .

عااااا في ايييي 
كان صړاخ يوسف الي صحي فجأه علي الثلج الي اتحط في قفاه 
نور طبعا مين غيرها الي عمرها ماتتغير كان بتضحك جامد علي منظره 
هههههه انت مابتتعلمش يابني كل يوم بصحيك بطريقه احلي من الي قبلها 
قام قعد علي السرير وكمل ع كلامها 
اه طبعا مره تدلقي مايه عليا وعلي قفايا ومره تلج ومره ڼار وي وي وي ومش عامله حسابك انك جده . 
حطت ايدها في وسطها وسألت بقوه 
قصدك اي يا يوسف اني عجزت وبقيت وحشه 
كان لسه هيعترض بس فجاه وبنظره شيطانيه قال 
الحمد لله انك عرفتي لوحدك وسعيلي بقي .
وقام مبعدها عشان يعدي بس هي مسكت ايده ووقفته هو بصلها لقاها هتعيط 
بجد بقيت وحشه يا يوسف .
مسك وشها بايديه الاتنين وقال 
يا حبيبتي مش ذنبك ده عوامل السن وكده بس انتي قمر بردو.
 أما هي فقعدت علي السرير وقالت نور 
كده طيييب انا هوريك العجوزه دي لسه حلوه ازاي .
 بيتسحب علي طراطيف صوابعه عشان محدش يسمعه 
خبط