وعد سليم بقلم تيسير محمد
يا سليم اي حاجه دلوقتي و امشي و انت ساكت .
دخلت بيه المطبخ و خرجت كل الخدم و قفلت عليهم الباب هو قلق و بصلها باستغراب بس هي ابتسمتله بمشاغبه و قالت
اسمع بقي زي ما النهارده عيد ميلادي هو عيد ميلادك انت كمان
ربع أيده و سمعها و هي كملت
هديتك في الحفظ و الصون و بما انك مش بتحب اجبلك حاجه فأنا عملتها .
بان علي وشه علامات الاستغراب و هي ابتسامتها وسعت اكتر و راحت طلعت زي طبق كبير متغطي
حطته علي الترابيزه الي موجوده في المطبخ وةشالت الغطي و سليم اول ما شاف الي جواه فرح و اتكلم بمفجأه
ورق عنب !
بصلها و هي هزت رأسها بتأكيد و قالت
اول مره ادخل مطبخ و اعمل لحد حاجه ورق عنب ليك زي ما انت بتحبه بالظبط و دي هديتك يوم عيد ميلادك .
بصلها بفرحه مش عارف يقولها ايه ممكن الي بره الصوره يفكر أنه هبل أو ممكن حاجه عاديه
بس في الحقيقه أكبر حاجه عنده كان نفسه ياكل حاجه من أيدها هي ما تعرفش و مش عارف عرفت منين بس ما فيش غير طريقه واحده الي عرفت بيها فوقته و طلعته من الحوار الي داير جواه لما قالت
سليييييم يلا اقعد كل و قولي رايك بسرعه عشان مش قادره اتنفس .
هههههه ماشي يا ستي .
قعد فعلا و بدأ أنه يأكل و هي قعدت تبص عليه بفرحه و حاطه أيدها علي خدها باستمتاع .
كانت واقفه بتتكلم مع نور و وعد الكبار و معاهم شروق بس هو خبط علي كتفها و خلاها تلفله
موكااا عايزك في موضوع مهم جداااا .
كان بيقولها في ودنها فنور الكبيره اتدخلت
بتوشوشها في ايه يا واد
بصلها و كان هيرد لكن ملك لحقته
ما فيش هو يونس بس قالي علي اللعبه الي بنلعبها سوي ع الفون .
بصولها باستغراب فملك كملت و هي بتمشي من اودامهم بسرعه و بتسحب يونس من ايده
بصوا هقولكم علي كل حاجه بعدين باي .
و مشيت فعلا و وعد الكبيره اتكلمت
العيال دول لما بيتجمعوا بيبقي في بلاوي
شروق كملت
ربنا يستر .
اما ملك و يونس بعدوا ملك اتكلمت بسرعه
خير قولي بسرعه .
بصي لازم تساعديني سيلين هتبهدل الدنيا مع بابا علي موضوع امبارح اتصرفيلي .
يخربيييتك و انت قولتلها ليه
والله ما قولت حاجه هي سمعتني المهم اتصرفيلي .
ملك قعدت تفكر شويه و بعدين بصتله و ضحكت ففهم انها لقيتله الحل .
لقت أن ابوها و اعمامها خلاص ما بقاش حد معاهم راحتلهم تاني و سليم اول ما شافها اتكلم
سيلو معلش يا حبيبتي انشغلت ... كنتي عايزه تقولي ايه
و لا يهمك يا عمو .. الموضوع ان يونس امبار.....
والنور اتقطع فجأه وبعدها حصل دوشه بين الحضوره .
سيلين لقت نفسها بتتسحب لمكان تاني وصوتها ما بانش لقته يونس الي كان باين من صوته هي اتكلمت جامد بعد ما بعدوا و وقفوا في حته ساكته نوعا ما
يونس !و! انت فاكر أن كده هتسكتني
سيلين انتي بجد غريبه انا عرفت ليه انتي الوحيده الي بعيده عننا عشان لا تطاقي المفروض نبقي كلنا سرنا مع بعض بس انتي الغلط الوحيده الي في وسطنا عايزه تقولي قولي يا سيلين بس بده هتبقي خسرتينا كلنا مش انا بس .
و سابها و مش سابها و هي مصدومه بكلامه .
و بقطع الكهرباء كانت الحفله انتهت .
صباح يوم جديد و كالعاده الكل مجتمع علي السفره في لمه عائليه جميله سليم هو الي بيرأس السفره و علي يمينه وعد مراته و شماله يحيي الي جمبه شروق اما يوسف فكان جمب وعد و بعديه نور .
دول الاماكن الرئيسيه الي مش بتتغير و باقي الأبناء ليهم حريه اختيار اي كرسي علي السفره دي ما عدا اماكن الكبار .
كان في صمت رهيب نهته نور بسؤالها لابنها سليم الي كان قاعد جنب شروق
سليم حبيبي ! ! مش بتاكل ليه !
بصلها بابتسامه و رد عليها
ابدا يا حبيبتي ما ليش نفس بطني ۏجعاني شويه .
من ايه كلت ايه طيب ع الصبح .
لا لا انا ما كلتش من امبارح معرفش يمكن يكون برد و لا تقلت في الأكل امبارح .
وعد لفت انتباها الكلام و بصتله و كأن عنيها بتسأله و هو رد عليها بهزت رأس و بسمه تطمنها جه في بالها أن ممكن يكون اكلها هو الي تعبه امبارح
سابت الشوكه و السکينه و هي مضايقه و هو خد باله و عرف يقرأها زي ما تعود من زمان .
وعد الكبيره لحظت عدم وجود نور و سيلين فاتكلمت
اومال نور و سيلين فين !
جوبتها شروق
اكيد لسه ما صحيوش من
النوم .
يونس بص لملك
