ثلاث ذئاب وغزاله بقلم ريناد يوسف

على خشومهم وكتموا ضحكتهم وحتي عدويه بصتلها بإستنكار وهزت اديها وقامت شيعت واد معروف الصغير على الدايه يجيبها تكشف على بدور عشان تهدا وتقعد على حيلها.
ومعداش وكت كبير ودخل واد معروف سالم وهو جايب معاه الدايه اللي السن خد من صحتها وبقت مشيتها على كدها وحيلها راح وعتستعين بعصايه فى المشي ووصلت بعد مشقه لبيت نعيم

واهناك كشفت على بدور وطمنتها بالخبر اللي ريح قلبها وقالتلها إنه حبله وخدت منيها الحلاوه الزينه وطلعت وهملتها وهي واعيه الدنيا مش سايعاها من الفرحه.
واول ماوصلت قصاد بيت المقاول وقفت قصادة وبصت عليه وبعد تردد حسمت امرها ودخلت تلقط رزقها اللي هي عارفه هتجيبه كيف.. 
وأول مادخلت وشافت ربيعه بت شام نادمت عليها وسألتها توبقى بت مين ولما ربيعه قالتها بت شام معرفتهاش 
بس لما قالتلها بت كرار عرفتها عشان خابره زين إن كرار محداهوش غير بت وحده واللي هى من مرته الاولانيه الغريبه. 
سألتها بعد إكده على شوقيه مرت ابوها وقالتلها تنادملها عليها من فوق.. واول ماشوقيه نزلت وشافت الدايه انضربت بالڠضب لانها متوكده إن الدايه جايه ترمي برودها عليها وتاخد منيها فلوس
وهي بمجرد ماعتشوفهاعتفتكر كل اللي جرا زمان وكل اللي هي فيه ديه واللي سببه الغلطه اللي غلطتها واللي خلت كرار اتغير عليها وبعد ماكان خاتم في صباعها بالمحبه بقى مداس فرجليها بس من غير محبه وبصراحه سلطة المحبه عتوبقى احلى وأمتع.
نزلت شوقيه السلم وخدت الدايه على جنب بعد ماامرت ربيعه تدخل تعمل شاي وبمجرد مادخلت ربيعه الموطبخ بصت شوقيه للدايه وبغل قالتلها
جايه عايزه ايه انتي مش عرفتي من زمان إن كرار كشف السر جايه تهددي بأيه تاني 
الدايه بمسكنه
اخص عليييكي اخصص.. بقا إكده يامرت المقاول تتلقيني بالمشوح والملوح واني اللى اتوحشتك وجايه عشان اشق عليكي واشوف خبرك ايه ومحبلتيش ليه تاني بعد الوادين! واديكي حاجه تخليكي تحبلى وتجيبي التالت يخاويهم!
ردت عليها شوقيه ببرود
له متشكره منك معاوزاشي منيكي حاجه اني وكت مااحب احبل هروح للحكيم في البندر يديني علاج زين واحبل طوالي مش اعشاب ليهاشي عازه ولا ليها فايده خلاص زمنك وزمن اعشابك ولى ياعجوزة البين. 
الدايه بخبث
إيهييه.. معلهش يابنيتي يمكن صوح دلوك اني وحاجتي مبقاش لينا عازه.. بس زمان كان لينا كل العازه وكنا عنستروا الولايا ونستتوهم فبيوت يدخلوها ويتملكوها ويسرحوا ويمرحوا فيها على راحتهم.
كان وين الحكيم وكتها وكان فين علاجه الزين ديه 
ولا كانت البنته هتعرف رقبة الحمامه من وين! 
القصد.. اوبقي روحي انتي للحكيم وخليه يعالجك.. واني هروح لضرتك اعالجها.. ضرتك اللي قلبتلها بيت الولد بإس جوزك عشان تجيبش عيال تاني.. دلوك هروح اعدلهولها تاني واخليها تجيب لجوزك الولاد وتملاله البيت وتقعد عالحجر وتنزلك بوادينك اللي فرحانه بيهم دول ومكتفيه.. هعالجها واقول لكرار اني عالجتها واوبقي اتفرجى على فرحته وكتها.. 
خلصت كلامها وهمت عشان تلف وتمشي من قدام شوقيه لكن شوقيه مسكت دراعها وقفتها وقالتلها وهي عتجز على سنانها
بالك لو سمعت انك عيملتي حاجه زي إكده ياعجوزة البين انتي بالله العظيم اكون قاطعه خبرك قطع.. 
ردت عليها الدايه بنبرة كيد
اوبقي اقطعيه خبرى اني إكده إكده قربت اموت وميهمش خبري ياجي لحاله ولا على يدك. 
شوقيه ردت عليها بحاجب مرفوع
مستبيعه يعني! 
الدايه
وضارباها صرمه.. اوعى يلا همليني وسيبي دراعي خليني اروح للغلبانه داي خليها تلحق تجيبلها واد من جوزك تتعكز عليه في كبرها. 
ردت عليها شوقيه بعصبيه مكتومه
وقفى إهنه وقفت الميه فزورك.. قولي عايزه ايه واخلصي. 
الدايه وهي عتبصلها بعيون عتلمع من الطمع في الدهب اللي لابساه ومسكت دراعها رفعته ومشت يدها عالغوايش اللي لابساهم وقالتلها 
كلك نظر عاد يامرت المقاول. 
نفضت شوقيه يدها منها وبحركه سريعه غاضبه قلعت من يدها غويشه دهب ومدتهالها وهي عتقولها
خدي حار وڼار في جتتك بس اسمعي وربي لو شفت وشك جوا البيت ديه لأكون فاحته ودافناكي وماأخلى الدبان الازرق يعرفلك طريق جره فاهمه ولا له
خطفت الدايه من يدها الغويشه وردت عليها وهي عتنطط الغويشه على يدها تشوف تقلها
متقلقيشى مهتشوفيشي وشي ولا قفاى حتى
مع اني عتوحشك والله وعتوحش دهبك وقرشيناتك بس يلا ربنا يفرجها من موطرح تاني.. خلصت كلامها وضحكت بسماجه ولفت عشان تمشي.. 
لكنها وقفت متفاجئه وهي شايفه شام وراها واقفه بكباية شاي.. شام اللي خلت بتها تقعد تنقى الرز وقالتلها هي اللي هتطلع الشاي موطرحها عشان ربنا يريد إنها تسمع اللي فاق الخيال تسمع جبروت وقهر وظلم كرار ليها المدفون ليه سنين
واللي كانت مفكره إنه مفيش جبروت ولا ظلم اكتر من اللي عامله فيها وفبتها لكن ماخفى كان اعظم وأشد وأوجع.
بصت للدايه بۏجع واتفكرت كل الالم اللي قاسته بعد ولادتها وبطنها اللي قعدت اسابيع تغيب ويجيلها فيها ۏجع يخليها تعض الارض ولا هي ولا ستها عارفين سبب الۏجع وحوريه اللي مكانتش تعذر ۏجعها وكانت تخليها تخدم رغم الالم.. وغمضت واتنهدت بقلة حيلة وبعدها فتحت وبصت للدايه وپقهر المظلوم قالتلها
طابور ظلامى اللي هيقفوا قدامي يوم الموقف العظيم زاد نفر.. ومش مسامحاكى ولا هسامحك.. والدهب اللي فرحانه بيه ديه الهي ماتلحقي تتهني بيه الا تصرفيه عالحكما اللي مايلقولك طب ولا دوا. 
خلصت كلامها ولفت ودخلت الموطبخ بخطوات بطيئه مكسوره وعلى الرغم من انها مكانتش عايزه تخلف من كرار ولا عمرها اتمنتها لكن كونه يستبيح جسمها وېخرب فيه على هواه.. الحته داي وجعتها فوق ۏجعها وجعين.. ودخلت الموطبخ وهي عتحسبن من كل قلبها على كل اللي ظلمها فيوم من الأيام.
أما الدايه فطلعت من البيت قوام وبلهوجه قبل ماشام تفوق من صډمتها وترجعلها تقضى عليها لما تستوعب اللي عملته فيها وإفترضت إن السکينه سارقاها دلوك متعرفش إن الاستسلام والمسالمه طبع شام مش وليد لحظة صډمه.
دخلت شام الموطبخ وقعدت مسهمه شويه وبعدها دموعها نزلوا بحسره على حالها وربيعه فورا قامت تهديها وخدتها فحضنها وهي فاكره إنها نوبه جديده من حزنها على ستها عديله أو نوبه من نوبات حنينها واشتياقها لأهلها اللي عتنتهى بالبكا زي إكده..وبعد ماغلبت ربيعه على ماسكتت امها هملتها وطلعت تجيبلها لمونتين من الجنينه عشان تعملها كباية لمون تهديها هبابه. 
وبمجرد ماطلعت شافت ممدوح ومنتصر داخلين من بوابة الجنينه اتجاهلتهم وراحت علي شجرة اللمون عشان تجيب منها وممدوح لما شافها ساب منتصر وراح عليها وابتدا يقطفلها اللمون وهو عيقولها پغضب
متطلعيش الجنينه تاني مره وتفضلي تتنططي وتمطي روحك كيف العرسه عشان تتلافى لمون ولا غيره اني كل عشيه هجيبلك اللمون اللي تعوزيه وارزعهولك في البيت. 
ردت عليه ربيعه پغضب اكتر
قولتلك قبل سابق ياممدوح انت ليكش حكم عليا وهطلع الجنينه وكت مااحب وحدش يقدر يحوشني فهمت الحديت ديه فهمت مفهمتش توبقى إنت قليل فهم عاد. 
ممدوح رد عليها پغضب وهو عيتقدم ناحيتها كيف مايكون ناوى عالشر
انتي تسمعي الحديت من غير نفس ياإكده يأما..قال كلمته ورفع يده عليها لأول مره وهو حاسس إن عيارها فلت عليه ولازمن يكبح جموحها هبابه عشان يقدر يسيطر عليها ومفيش غير الضړب هو اللي هيجيب النتيجه اللي هو عايزها وفعلا يده كانت هتنزل علي وشها